Wooderful Life შთაგონებულია მარადიული ფორმებით, ოსტატობით შესრულებული ხელობითა და გულითადი მომენტებით. კომპანია დაარსებულია ტაივანში, ის ხის დამუშავების ტრადიციულ ტექნიკას თანამედროვე ხელოვნებასთან აერთიანებს, რათა შექმნას ისეთი მუსიკალური ყუთები და ხის დეკორაციები, რომლებიც აღაფრთოვანებს როგორც ბავშვებს, ისე ზრდასრულებს. ყოველი ყუთი მზადდება პასუხისმგებლობით მოპოვებული ხის მასალისგან და შესრულებულია მაღალკვალიფიციური ოსტატების მიერ, რომლებიც სიზუსტესა და მოთხრობილ სიუჟეტს ძლიერ აფასებენ. Wooderful Life-ის მისია სცდება მხოლოდ სილამაზეს - ის ბედნიერი მოგონებების შექმნას და მომავალი თაობებისთვის ბუნების დაცვასაც ემსახურება. მათთვის პრიორიტეტულია ეკომეგობრული მასალები, გარემოსთვის უსაფრთხო შეფუთვა და უმაღლესი ხარისხი.

კარუსელი ერთადერთი ადგილია საქართველოში, რომელიც Wooderful Life-ის მუსიკალური ყუთების ჯადოსნურ სამყაროს გთავაზობთ.

დებმა, ოლიმპია და კაროლინა, Oli&Carol ბარსელონაში დააარსეს. ეს არის ბრენდი, რომელიც ეკო-მეგობრულ სათამაშოებს ქმნის და ხელს უწყობს მდგრადი ცხოვრების წესის დამკვიდრებას. მათი პროდუქცია, მათ შორის ღრძილების მასაჟორები, წყლის სათამაშოები და საჩხაკუნოები, მზადდება ჰევეას ხისგან მიღებული 100%-ით ბუნებრივი რეზინით, რაც უზრუნველყოფს მათ ბიოდეგრადირებადობასა და ბავშვის უსაფრთხოებას. ყოველი სათამაშო ხელნაკეთია, ის ხელით იწარმოება და იღებება. სათამაშოები დამზადებულია ისე, რომ არ აქვთ ხვრელები და ღია სივრცეები, რაც მათ ბაქტერიებისა და ობის დაგროვებისგან იცავს, შესაბამისად ისინი ბავშვებისთვის საუკეთესო ჰიგიენური არჩევანია. თამაშის გარდა, Oli&Carol-ის კოლექციები საგანმანათლებლო გზავნილებსას შეიცავს, ისინი ბავშვებს ჯანმრთელ ჩვევებსა და გარემოს პატივისცემას ასწავლიან.

ბრენდი ასევე აქტიურად მონაწილეობს ისეთ სოციალურ ინიციატივებში, როგორებიცაა ინდოეთში მცხოვრები ბავშვებისთვის განათლების დაფინანსება და ოკეანეების დაცვის მხარდაჭერა. Oli&Carol-ი ბავშვებს ეკო-მეგობრულ, ხალისიან და შინაარსიან თამაშს სთავაზობს.

PlanToys-ი 1981 წელს არის დაარსებული და დღეისთვის ის მდგრადი ხის სათამაშოების გლობალურ ლიდერს წარმოადგენს. კომპანიის მისია „უკეთესი ბავშვები, უკეთესი მსოფლიო მდგრადი თამაშით“ არის მათი საქმიანობის ქვაკუთხედი. PlanToys-მა პირველმა დანერგა ლატექსის გამოყოფის უნარს მოკლებული რეზინის ხის წარმოებაში გამოყენება, რათა უსაფრთხო და გამძლე სათამაშოებად გარდაექმნათ. ასევე კომპანია ნარჩენებს ამცირებს ნახერხისგან შექმნილი ინოვაციური მასალის (PlanWood®) საშუალებით. ყველა სათამაშო დამზადებულია არატოქსიკური, წყლის საფუძველზე დამზადებული საღებავებითა და ფორმალდეჰიდისგან თავისუფალი წებოს გამოყენებით, რაც ბავშვებისა და გარემოს უსაფრთხოებას უზრუნველყოფს. PlanToys-ის საწარმოო პროცესებში გამოიყენება ისეთი განახლებადი ენერგიის წყაროები, როგორებიცაა მზისა და ბიომასის ენერგია, ხოლო 2025 წლისთვის კომპანიის მიზანია ნახშირბადოვანი ნეიტრალიტეტის მიღწევა. წარმოების ფარგლებს მიღმაც, PlanToys-ი საზოგადოებრივ ინიციატივებში, ხეების გაშენების პროექტებში და სათამაშოების დონაციის პროგრამებში აქტიურად არის ჩართული.

PlanToys-ის ინოვაციური მიდგომა საერთაშორისო მასშტაბით არის აღიარებული — კომპანიას მიღებული აქვს 400-ზე მეტი ჯილდო 11 ქვეყნიდან, მათ შორის: Red Dot Design Award (გერმანია), ASTRA-ის წლის მწარმოებლის ჯილდო (აშშ) და Spiel Gut („კარგი სათამაშო“) ჯილდო (გერმანია).

Antonio Juan-ის თოჯინების ისტორია 1958 წელს ქალაქ ონილში იწყება, ის საოჯახო ბიზნესია და დღესდღეობით სამი თაობის სათამაშოების ოსტატებს აერთიანებს. მათი თოჯინები ხელნაკეთია და 100%-ით ესპანეთშია დამზადებული. წარმოებაში ტრადიციული ხელსაქმე და თანამედროვე ტექნოლოგიებია გაერთიანებული, რაც რეალისტური გამომეტყველებისა და მაღალი ხარისხის თოჯინების შექმნის საშუალებას იძლება. Antonio Juan-ი მდგრადი განვითარების ერთგულია, თავის სექტორში ის პირველი კომპანია გახდა, რომელმაც Zero Waste სერტიფიკატი მოიპოვა. ეკოლოგიაზე პასუხისმგებლობა იმითაც ვლინდება, რომ თოჯინების ტანსაცმელი მზადდება ორგანული ბამბისგან, რომლის მოყვანისა და წარმოების პროცესში ქიმიკატები არ გამოიყენება.

ყოველ თოჯინას გააჩნია, ონილის თოჯინების მწარმოებელთა ასოციაციისგან მინიჭებული, "Origin" სიმბოლო, რაც გარანტიას იძლევა პროდუქტის ავთენტურობაზე, ასევე ევროპისა და ამერიკის მკაცრი უსაფრთხოების სტანდარტების დაცვაზე. Antonio Juan-ი 40-ზე მეტ ქვეყანაში აგრძლებს თავისი დახვეწილი და ეკოლოგიურად სუფთა თოჯინებით ოჯახების გაოცებას.